Gizartea
Hilketa
Emakume baten eta haren bi seme-alaben gorpuak aurkitu dituzte, kutxa batean sartuta, Cuencan
EITB MEDIA
Guardia Zibilak emakumearen bikotekidea, eta biktimen aita, atxilotu du gertakarien ustezko egilea delakoan.
Guardia Zibilak emakume baten eta haren bi seme-alaben gorpuak aurkitu ditu kutxa batean sartuta, Las Pedroñeras udalerrian, Cuencan. Agenteek partekatutako informazioaren arabera, emakumearen bikotekidea, eta seme-alaben aita, atxilotu dute gertakarien ustezko egile gisa.
Gorpuak eraildako emakumearen ondoko etxebizitza batean aurkitu dituzte. Bertan, agenteek odolez betetako labana bat eta hainbat arropa ezberdin aurkitu dute. Ikerketaren hasieran, hiru gorpuak kutxan baina zatikatuak zeudela uste izan da. Baina horiek kutxatik ateratzerakoan, bertsio horren egiazkotasun ukatu dute.
EFE agentziak jakinarazi duenez, Guardia Zibilak bilaketa aktibatu zuen atzo, emakumearen lagun batek desagertu egin zela salatu ostean.
Urruntze-agindua
Ikerketaren gertuko iturriek azaldu dutenez, eraildako emakumea VioGen sistema polizialean zegoen. Horrekin batera, ustezko erasotzaileak urruntze-agindua ere bazuen.
