Gizartea
POLIZIA-OPERAZIOA
Hainbat atxilotu Bizkaian, tartean ertzain bat, drogaren aurkako polizia-operazio zabal batean
AGENTZIAK | EITB MEDIA
Agenteek miaketak egin dituzte Kantabriako herri batean eta Bizkaiko hainbat tokitan, besteak beste, Bilbon, Barakaldon, Leioan eta Basaurin.
-
Pertsona bat atxilotu duten unea Bizkaian. EITB Mediaren bideo batetik hartutako argazkia
Ertzaintzak eta Guardia Zibilak droga-trafikoaren aurkako polizia-operazio zabala egin dute ostegun honetan Bizkaian eta Kantabrian, eta hainbat atxiloketa eta miaketa egin dituzte.
Agenteek miaketak egin dituzte Kantabriako herri batean eta Bizkaiko hainbat tokitan, besteak beste, Bilbon, Barakaldon, Leioan eta Basaurin, ikerketako iturriek jakitera eman dutenez.
EITBk baieztatu duenez, atxilotuen artean ertzain bat legoke, estupefazienteen banaketan parte hartu zuelakoan.
