Hiru pertsona zauritu dira A-8 autobidean, Galdakaon, hiru ibilgailuk talka eginda

Hiru ibilgailuk istripua izan dute A-8an, Galdakao parean, Bilborako noranzkoan, eta auto-ilarak izan dira. Hala ere, dagoeneko ezbeharra izan duten hiru ibilgailuak errepidetik kendu dituzte, eta zirkulazioa normaltasunera itzuli da, Segurtasun Sailak jakinarazi duenez.

Istripuaren ondorioz, hiru pertsona zauritu dira eta Gurutzetako Ospitalera eraman dituzte.