Gizartea
Ura
Nafarroa da Espainiako Estatuan ur gehien bildu duen erkidegoa, urtegiak % 94,5 baitaude beteta
agentziak | eitb media
EAE seigarrena da, batez beste % 86,5 baititu beteta. Nelson ekaitzaren eraginez, besteak beste, ohi baino urte hasiera hezeagoa izan da.
-
Esako urtegia. Argazkia: EITB
Nafarroa da Espainiako Estatuan urtegietan ur gehien bildu duen erkidegoa, urtegiak % 94,5 baitaude beteta, eta EAE seigarren da zerrenda horretan, urtegiak batez beste % 86,5 baititu beteta.
Espainiako Energia Trantsiziorako Ministerioak zabaldutako datuen arabera, horixe da Hego Euskal Herriko urtegietan pilatutako ur kantitatea, EAEko ekialdean eta Nafarroan ohi baino urte hasiera hezeagoa izan ostean.
Datuak erkidegoz erkidego aztertuta, Nafarroan pilatu da ur gehien (% 94,5), eta atzetik ditu Asturias (% 92,3), Gaztela eta Leon (% 91,6), Madril (% 88), Galizia (% 88,5), EAE (% 86,5), Aragoi (% 87,4), Errioxa (% 73,9), Extremadura (% 68,8), Gaztela-Mantxa (% 53,8) eta Katalunia (58 %).
Urtegietan ur gutxien pilatu dutenak, berriz, autonomia erkidego hauetakoak dira: Kantabria (% 47,4), Andaluzia (% 43,1), Valentzia (% 42,3) eta Murtzia (% 27).
Normalean baino ur gehiago dago, beraz, Espainiako Estatuko urtegietan, eta urte hasiera ohikoa baino hezeagoa izan delako eta martxoan Nelson ekaitza igaro zelako omen da hori.
