Gizartea
Trafikoa
Normaltasuna N-1 errepidean, Andoainen hainbat ibilgailuk istripua izan eta auto ilarak sortu ondoren
EITB Media
Hiru ibilgailuk talka egin eta 5 kilometrorainoko pilaketak sortu dira Irungo noranzkoan.
Hainbat ibilgailuren arteko istripua izan da gaur, astelehenarekin, N-1 errepidean, Andoain (Gipuzkoa) parean, eta ilarak sortu dira Irungo noranzkoan, Eusko Legebiltzarreko Segurtasun Sailak eitb.eus-i jakinarazi dionez.
Iturrion arabera, hiru ibilgailuk talka egin dute 07:40an, argitu gabeko arrazoiak tarteko. Ez da inor zauritu, baina ibilgailuak traba egiten gelditu dira ezkerreko erreian. Hala, bost kilometrorainoko auto ilarak sortu dira Irungo noranzkoan.
Istripua izan duten ibilgailuak bidetik kendu ostean, zirkulazioa normaltasunera itzuli da 09:00ak aurretik.
