Gizartea
Loteria Nazionala
Amaren Eguneko zozketa bereziak 1,3 milioi euro utzi ditu Getxon
EITB MEDIA
30128 zenbakia izan da sariduna, eta oso-osorik banatu da Getxo eta Aranda de Duero herrien artean. Ez da lehen aldia Getxoko 1 zenbakiko Loteria Administrazioak sari handiak banatzen dituela.
-
Nora Calzada con el cartel del número premiado.
Loteria Nazionalaren Amaren Eguneko Zozketa Bereziaren lehen saria, 1,3 milioi euro seriean eta 130.000 euro dezimoan, Getxon (Bizkaia) eta Aranda de Dueron (Burgos) erori da.
Bizkaiko udalerrian, Areetako Kale Nagusiko 8. zenbakian saldu dute zenbaki sariduna. Administrazioko gerentea, Nora Calzada, oso hunkituta dago "Amaren Eguna bezalako zozketa berezi baten saria" banatu duelako.
Calzadak ez daki nor izan daitekeen sariduna, baina "herriko norbait" izan behar duela uste du, "ohiko abonatu asko ditugulako".
Ez da loteria-administrazioak sari handiak banatzen dituen lehen aldia. Duela gutxi, Primitivaren 1,5 milioi euroko saria eta Bonolotoaren 55.000 euroko sari berezia banatu zituen.
Zozketa maiatzaren 5ean egin da, eta guztira serie bakoitzerako esleitutako 34 851 sari banatu dira. Zozketa, normalean larunbatetan egiten da, baina igandera igaro zen, maiatzeko lehen igandean egiten den Amaren Eguneko ohiko ospakizunarekin bat etortzeko.
