Gizartea
Bilboko Udaltzaingoa
Laguntza eskatu dute apirilaren 7an emakume bat zauritu zuen bengala jaurtitzearen arduradunak aurkitzeko
EITB Media
65 urteko emakumeak lehergailu piroteknikoaren kolpea jaso zuen San Mames inguruan, Kopako finala amaitu eta gutxira.
-
San Mames estadioko kanpoaldea, larunbat gauean. Argazkia: EFE
Bilboko Udaltzaingoak laguntza eskatu du apirilaren 7an, Errege Kopako finalean, San Mames estadioaren inguruan, emakume bati lesio larriak eragin zizkion bengala bat jaurtitzeaz arduratu ziren pertsonen nortasuna argitzeko.
Gertakariak goizaldeko 01:40 inguruan izan ziren, Zunzunegi eta Luis Briñas kaleen elkargunean dagoen metro-ahoaren ondoan.
¿¿ ADI! Herritarren Lankidetza.
— Bilbao Polizia (@Bilbao_Polizia) April 23, 2024
¿¿ Bilboko udaltzaingoak herritarren laguntza eskatu du apirilaren 7an emakume bati lesio larriak eragin zizkion bengala nortzuek jaurti zuten argitzeko.
¿ criminalisticageneral-jefatura.ssc@bilbao.eus
¿¿ 092 / 94 420 50 54#Bilbao pic.twitter.com/3WTYPrceCn
Biktima bertan zeudenek artatu zuten, tibian eta peronean hainbat haustura zituela. Ondoren, Basurtuko Ospitalera eraman zuten eta larrialdiko ebakuntza egin behar izan zioten.
Biktimaren familiak salatu zuenez, "lehergailua horizontalki jaurti zuten, hainbat pertsonaren buruen gainetik. Azkenean, altuera galtzen joan zen, eta, ondorioz, jaurtitzeko tokitik 200 metro ingurura emakumearen hanka jo zuen".
Udaltzainak bertaratu ziren, eta emakumearekin eta hainbat lekukorekin hitz egin ondoren, ofiziozko ikerketa hasi zuten.
