Gizartea
Osakidetza
Onkologikoa Osakidetzan behin betiko integratzeko hitzarmena onartu du Eusko Jaurlaritzak
EiTB Media
Horrenbestez, 1988an Osakidetzak Onkologikoarekin sinatutako kontzertazio hitzarmenarekin hasitako bidea amaituko da.
-
Donostiako Onkologikoa, artxiboko irudi batean. Argazkia: EiTB Media
Eusko Jaurlaritzak Onkologikoa Osakidetzan behin betiko integratzeko hitzarmena sinatu du gaur goizean egin duen gobernu bileran.
Gobernu bileraren ostean Eusko Jaurlaritzak ohar bidez jakinarazi duenez, 2024ko EAEko Aurrekontu Legearen Xedapen Gehigarrian ezarritakoaren arabera egingo da integrazio prozesua.
Horrenbestez, 1988an, Osakidetzak Onkologikoarekin egindako ituna bere gain hartu zuenean hasi zen prozesua gauzatuko da. Ondoren, bi aldeek beste itun batzuk sinatu zituzten, besteak beste, Osakidetzako gaixoentzako onkologia zerbitzuen kontratazioa zehaztuz.
Horren ondoren, 2018an, bi ospitale egituren funtzionamendua integratzeko hitzarmena sinatu zuten.
Osasun Sailak 2018-2023 aldirako prestatu zuen Euskadiko Onkologia Planak jasotzen duen asistentzia ereduak diziplina anitzeko ikuspegia du, eta pazienteen premia globalei erantzungo dien tratu humanizatua du ardatz.
