Gizartea
Bizkaia
Bi gizon atxilotu ditu Ertzaintzak, Bilbon aurkitutako 400 marihuana landarerekin zerikusia dutelakoan
AGENTZIAK | EITB MEDIA
Osasun publikoaren aurkako delitua eta argindar sarera legez kanpo konektatuta iruzur egitea leporatu diete biei.
-
Bi gizon atxilotu ditu Ertzaintzak Bilbon 400 marihuana landare aurkitu ostean
Ertzaintzak 39 eta 45 urteko bi gizon atxilotu ditu Bilbon, lonja batean atzemandako 400 marihuana landareren jabeak direlakoan.
Osasun publikoaren aurkako delitua eta argindar sarera legez kanpo konektatuta iruzur egitea leporatu diete biei. Izan ere, plantazioak argiztatzeko, aireztatzeko eta ureztatzeko sistema bat zuten, legez kontrako argindar harguneak baliatuz, Segurtasun Sailak jakinarazi duenez.
Lonja horretan estupefazienteekin lotutako jardueraren bat egiten ari ziren susmoa zuen Ertzaintzak. Horregatik, miaketa egin zuen ostiral arratsaldean, eta bi gizon horiek atxilotu zituen, lokalera sartzen ari zirenean.
Polizia-etxera eraman zituzten biak, eta epailearen esku utziko dituzte beharrezko izapideak bukatutakoan.
