Gizartea
Nafarroa
Zizur Nagusian gertatutako tiroketa ikertzen ari dira: gizon bat oso larri dago
EITB Media
Gizon batek beste bat tirokatu du bart, 20:30 aldera, Santa Cruz plazan. Lehen hipotesien arabera, baliteke kontu-garbitze bat izatea.
-
Tiroketa Zizur Nagusian (Nafarroa). Argazkia: Foruzaingoa
Gizon batek beste bat oso larri zauritu zuen atzo Zizur Nagusian (Nafarroa), kalean bertan gertatutako tiroketa batean. Foruzaingoak ikerketa du abian, eta lehen hipotesien arabera, droga trafikoarekin lotutako kontu-garbitze bat egon liteke tartean.
Gertakaria Santa Cruz plazan gertatu zen, 20:30 aldera.
Biktima, 42 urteko gizasemea, larri eraman zuten Nafarroako Unibertsitate Ospitalera eta bertan dago.
Ustezko erasotzailea, 50 urtekoa, ia berehala atxilotu zuen Foruzaingoak, errebolber bat eskuan zuela. Belosoko Foruzaingoaren polizia etxean eman du gaua, epailearen esku noiz utziko zain.
