Abisu horia ezarri dute EAEn elurragatik ostegun gauerako

Eusko Jaurlaritzako Segurtasun Sailak abisu horia ezarriko du ostegun gauean elur-arriskuagatik. Elur-kota 800 eta 1.000 metro inguruan kokatuko da.

Zehazki, abisua 21:00etatik osteguneko gauerdira bitartean egongo da indarrean, eta prezipitazio txiki-ertainak espero dira, batez ere kantauri isurialdean.

1.000 metroan gehienez 5 zentimetro pilatzea aurreikusten da.

Abisu horrekin batera, beste abisu hori bat aktibatuko dute 15:00etatik 00:00etara, nabigaziorako arriskuagatik, gauean olatuak hiru metro eta erditik gorakoak izan baitaitezke.

Euskalmet Euskal Meteorologia Agentziaren arabera, elur-kota 1.200 metroan kokatuko da ostiralean, eta izotza egingo du Araban.

Kontsulta ezazu eguraldiaren iragarpena, eta bidali zure argazkiak eta bideoak.