Gizartea
Trafiiko istripua
Gizon bat larri zauritu da Donostiako erdigunean, motozale batek harrapatuta
Agentziak | EITB MEDIA
Ezbeharra 18:30 aldera gertatu da, Santa Katalina zubian, Gros aldean. Gidaria ere arin zauritu da, eta erietxera eraman dute.
-
Ezbeharra Santa Catalina zubian izan da. Argazkia: EITB MEDIA
Gizon bat larri zauritu da ostiral honetan Donostian, motozale batek harrapatuta, Santa Katalina zubian. Ezbeharra 18:30 aldera gertatu da, semaforoz erregulatutako oinezkoentzako pasabide batean, Udalak jakinarazi duenez.
Zilindrada ertaineko motorrak zubia zeharkatu du Askatasunaren Hiribidetik Gros auzora, eta bertan harrapatu du oinezkoa.
Udaltzaingoaren patruilak eta Osakidetzako hainbat anbulantzia bertaratu dira, eta lurrean etzanda zegoen oinezkoa artatu dute. Azkenean, Donostia Ospitalera eraman dute, larri zaurituta; iturrien arabera, haustura larriak ditu.
Motor-gidaria ere zauritu da, eta ospitalera eraman dute, politraumatismo arinak baitzituen.
