Gizartea
Gertakaria
Gizon baten hilotza topatu dute Santurtziko portuko uretan
EITB Media
Ertzaintzako eta Itsas Salbamenduko kideek 07:00etan atera dute gorpua uretatik.
-
Gorpua topatu duten lekua. EITB Media
Larrialdi zerbitzuek gizon baten gorpua atera dute Santurtziko arrantza portuko uretatik, Eusko Jaurlaritzako Segurtasun Sailak eitb.eus-i jakinarazi dionez.
Santurtziko kaian pertsona bat uretara erortzen ikusi duela jakinarazi du lekuko batek, 04:40 aldera. Larrialdietako hainbat baliabide (Ertzaintza, Gurutze Gorria, suhiltzaileak eta itsas salbamendua, besteak beste) bertaratu dira eta desagertutakoaren bila hasi. Esan bezala, handik gutxira, 07:00etan, aurkitu dute hilotz.
Oraingoz, ez dakite hildakoa nor den eta nola hil den ere.
