Gizartea
Sutea
Aparkatuta zeuden bost auto kiskali dira Lasarte-Orian
EITB Media
Edukiontzi batzuetan hasi da sua, eta inguruan aparkatuta zeuden autoetara hedatu dira sugarrak. Sua nola piztu den argitzeko ikerketa hasi dute.
-
Sutea Lasarte Orian, gaur goizean. @BomberosDonosti
Bost ibilgailu kiskali dira ostiral honetan Lasarte-Orian. Segurtasun Saileko iturriek azaldu dutenez, antza denez, 06:15ean piztu da sua Sasoeta auzoko edukiontzi batzuetan, eta horietako hiru oso kaltetuta geratu dira.
Sugarrak inguruan aparkatuta zeuden autoetara zabaldu dira, eta bost auto erabat hondatuta geratu dira.
Donostiako Suhiltzaileak ez ezik, Ertzaintza eta Udaltzaingoa ere bertaratu dira, eta ikerketa hasi dute sua nola piztu den argitzeko.
