Gizartea
Trafikoa
Motozale bat hil da Azpeitian, GI-631 errepidean izandako zirkulazio-istripuan
eitb media
Larunbat eguerdian, motozikleta bat bidetik atera da GI-631 errepidean, Azpeitian, Zumarragarako noranzkoan.
44 urteko motozale bat hil da gaur eguerdian Azpeitian (Gipuzkoa), GI-631 errepidean izandako zirkulazio-istripuan, Segurtasun Sailak jakitera eman duenez.
Larunbat eguerdian, 12:25ean, motozikleta bat bidetik atera da GI-631 errepidean, Lasao (Zestoa) eta Azpeitia artean, Zumarragarako noranzkoan.
Gidaria bakarrik zihoan motoan, eta oso lesio larriak egin ditu. Osasun-langileak ahalegindu arren, bertan hil da. Ertzaintzak ikerketa abiatu du istripuaren nondik norakoak argitzeko.
