Gizartea
Indarkeria matxista
Gizon bat espetxeratu dute Sarrigurenen emakume bati sexu erasoa egitea egotzita
Agentziak | EITB Media
Eraso matxista ostegunean jazo zen Nafarroako udalerrian. Biktimak salaketa aurkeztu zuen Foruzaingoak, eta handik gutxira atxilotu zuten agenteek.
Agoitzeko Lehen Auzialdiko eta Instrukzioko 1. epaitegiak kartzelara bidali du gizon bat emakume bati sexu erasoa egitea leporatuta, Nafarroako Justizia Auzitegi Nagusiak baieztatu duenez.
Erasoa Sarrigurenen (Eguesibar, Nafarroa) jazo zen joan den ostegunean.
Biktimak salaketa aurkeztu zuen Foruzaingoan, eta honek handik gutxira atxilotu zuen ustezko erasotzailea. Gaur eraman dute epailearen aurrera, eta honek kartzelatzea agindu du.
