Gizartea
Trafikoa
Zirkulazioa bere onera itzuli da N-1ean, Tolosa parean, lehen orduan izandako istripuaren ondotik
EITB Media
Bi autok talka egin dute, eta traba egiten geratu dira errepidean. 08:30erako bidea garbi utzi dute garabiek.
Bi autok istripua izan dute goizean N-1 errepidean, Tolosa (Gipuzkoa) parean eta Irungo noranzkoan, Eusko Jaurlaritzako Segurtasun Sailak eitb.eus-i jakinarazi dionez.
Ezbeharrean ez da inor zauritu, baina ibilgailuak errepidetik kendu arte (08:30), errei bat itxita egon da, eta ilarak sortu dira.
08:45erako zirkulazioa bere onera itzuli da.
