Itxi

Gizartea

Istripua

Lagun bat zauritu da AP-8an Usurbilen izandako istripuan

EITB Media

Bi errei itxita egon dira Bilboko noranzkoan baina konpondu dira jada arazoak. Bi-637an Erandion Barakaldorantz, bi autoren arteko istripu baten ondorioz sortu diren arazoak ere konpondu dira dagoeneko.

Pertsona bat zauritu da AP-8an, Usurbil parean, Bilborako noranzkoan izandako istripu batean eta Donostia ospitalera eraman dute.

Furgoneta bat errepidetik atera da 10:00ak pasartxo zirenean, eta, erdibitzailearen kontra talka egin ostean, errepidean gurutzatuta gelditu da, bi errei oztopatuz. Hala, hiru erreietatik bi itxi behar izan dituzte eta auto-ilarak izan dira.

Dagoeneko konpondu dira arazoak puntu horretan .

Zauritua istripua izan duen ibilgailuaren gidaria da.

Arazoak konponduta Erandion

BI-637 errepideko bi errei itxita egon dira, bi ordu baino gehiagoz, Erandio parean, Barakaldorako noranzkoan, bi autok talka egin ostean.

Istripua 09:15ean gertatu da, eta, zorionez, ez da inor zauritu. Bi ibilgailuk elkar jo dute, eta galtzadan gurutzatuta geratu dira, zirkulazioa oztopatuz.

4 kilometro arteko auto-ilarak izan dira bertan. Behin garabiek kaltetutako ibilgailuak erretiratu eta galtzada garbituta, erreiak zabaldu dituzte atzera, eta pixkanak normaltasuna berreskuratu du trafikoak inguru horretan. 

    • © EITB - 2024 - Pribatutasun Ataria - Lege Oharra - Cookien erabilera - Cookien konfigurazioa - Gardentasuna - Kontaktua - Web mapa

    #-ent_adh_conf_online-#