Gizartea
DESAGERKETA
Ostegunetik falta den emakume baten bila ari dira Iruñean
EIDER JAUREGI OIARTZABAL | EITB MEDIA
Emakumearen familiak etxera ez zela itzuli eta ezin dutela aurkitu salatu zuen Polizia Nazionalaren komisarian eta herritarren laguntza eskatu du sare sozialen bidez. Arga ibaian ari dira bila une honetan.
Ostegunetik desagertuta dagoen 35 urteko emakume baten bila ari da Polizia Nazionala Iruñean, suhiltzaileen eta Nafarroako Foruzaingoaren laguntzarekin, EITB Mediak baieztatu ahal izan duenez.
Desagertuaren ahizpak Polizia Nazionalaren aurrean jarritako salaketaren arabera, emakumea bakarrik atera zen ostegun goizaldean Sanduzelai auzoko taberna batetik etxera bidean (bertan bizi da), baina ez zen iritsi.
Salaketa jarri bezain pronto ikerketa abiatu zuen Poliziak eta une honetan Arga ibaia arakatzen ari dira, suhiltzaile eta urpekariekin.
Familiak mezu bat zabaldu du sare sozialetan, norbaitek informaziorik balu, Poliziarekin edo 611370974 familia-telefonoarekin harremanetan jartzeko eskatuz.
¿¿#DESAPARECIDOS| Buscan a Gabriela Reyes, desaparecida desde el jueves en el barrio pamplonés de #SanJorge #sosdesaparecidos https://t.co/bj7Mfp7Dy2 pic.twitter.com/XX2OtVNKhq
— Navarra Televisión (@NavarraTV) December 11, 2023
