Gizartea
Trafikoa
Ertzaintza Galarretako (Hernani) harrapaketaren lekukoak bilatzen ari da
agentziak | eitb media
Auto batek bi emakume harrapatu zituen asteazken goizean, eta bat, 93 urtekoa, hil egin zen.
Ertzaintza Galarreta inguruan, GI-3401 errepidean, Hernanin, asteazkenean izandako harrapaketaren lekukoak bilatzen ari da.
10:30 aldera izan zen harrapaketa. Auto batek bi emakume eraman zituen aurrean. Donostia ospitalera eraman zituzten zaurituta, eta horietako bat, 93 urtekoa, hil egin zen.
Ertzaintzak ikerketa ireki zuen gertatutakoa argitzeko asmoz. Gertakariaren inguruko informazioa duen edo lekuko izan zen orok Trafikoko telefonora (943 539 119) deitu dezake.
