Gizartea
TRAFIKO ISTRIPUA
Ostegunean Mendabian izandako istripuan larri zauritu zen 35 urteko motozalea hil egin da
EITB Media
Ezbeharra 06:45ean gertatu zen, NA-134 errepideko 87. kilometroan, motorrak traktore batekin talka egin zuenean. Motorraren gidaria Logroñoko San Pedro Ospitalera eraman zuten, politraumatismo larriak zituela.
-
Istripua izan zuen motorra, Mendabian (Nafarroa). Irudia: Foruzaingoa
Hil egin da ostegunean Mendabian oso larri zauritu zen 35 urteko motozalea.
06:45 aldera, NA-134 errepideko 87. kilometroan, motorrak traktore batekin egin zuen talka.
Abisua jaso ondoren, Nafarroako larrialdi zerbitzuak aktibatu eta berehala bertaratu ziren guardiako mediku taldea, Lodosako suhiltzaileak, bizi-euskarri aurreratuko anbulantzia bat (medikalizatua), oinarrizko bizi-euskarriko anbulantzia bat eta Foruzaingoaren trafikoko patruilak.
Logroñoko 35 urteko bizilaguna oso larri eraman zuten anbulantzia medikalizatuan Logroñoko San Pedro ospitalera, eta gaur hil da.
