Gizartea
TRAFIKOA
Amaitu dira AP-8 autobidean kamioi baten matxuragatik Deba parean sortu diren auto ilarak
EITB Media
Matxuratutako ibilgailuak bi erreietako bat oztopatu du Donostiarako bidean, eta hiru kilometrorainoko auto ilarak sortu dira.
Kamioi batek goizeko lehen orduan izandako matxurak auto ilara luzeak eragin ditu AP-8 autobidean, Deban, Donostiarako noranzkoan. Eusko Jaurlaritzako Segurtasun Sailak eitb.eus-i jakinarazi dionez, goizean goizetik matxuratutako ibilgailuak bi erreietako bat oztopatu du Donostiara bidean.
Uneren batean, hiru kilometrorainoko ilarak sortu dira, baina 09:30 aldera trafikoa normaltasunera itzuli da.
