Gizartea
Trafikoa
Bukatu dira A-8 autobidean, Elgoibar parean, istripu baten ondorioz izandako zirkulazio arazoak
EITB MEDIA
Bilborako noranzkoan gertatu da ezbeharra. Puntu horretan, errepidea konpontzeko lanak egiten ari dira.
Goizeko 08:20an trafiko istripua gertatu da A-8 autobidean, Elgoibarren, Bilborako noranzkoan. Ibilgailu bat errepidetik atera da, eta pertsona bat zauritu da ezbehar horretan.
Ondorioz, beste hiru autok talka egin dute.
Puntu horretan errepidea konpontzeko lanak egiten ari dira, eta errei bat itxita zegoen bi istripuak gertatu baino lehen. Horrek guztiak zirkulazioa moteldu du, eta lau kilometroko ilarak sortu. 10:45erako bukatuta zeuden auto pilaketak.
