Gizartea
Gertakaria
DBHko ikasle batek labanaz zauritu ditu hiru irakasle eta beste ikasle bat Cadizen
Agentziak | EITB Media
Gertakariak Elena Garcia Armada Institutuan jazo dira, Jerez de la Fronterako San Jose Obrero auzoan. 14 urteko ikaslea "haserre" joan da bere gelaren atzealdera eta motxilatik "labanak" atera ditu, institutuko lankide batek azaldu duenez.
-
Elena Garcia Armada Institutua, Jerez de la Fronteran (Cadiz). Argazkia: EFE
14 urteko ikasle bat atxilotu dute gaur Jerez de la Fronteran (Cadiz), hiriko institutu batean hiru irakasle eta ikasle bat arma zuri batekin zauritzeagatik, polizia-iturriek jakitera eman dutenez.
Gertakariak Elena Garcia Armada Institutuan jazo dira, San Jose Obrero auzoan. Ikaslea, DBHko hirugarren mailako ikaslea, "haserre" joan zen bere gelaren atzealdera, bere motxila zegoen tokira, eta "labanak" atera zituen bertatik, alboko gelako ikasle batek azaldu duenez.
"Gero mundu guztia izorratzen hasi da, baita irakaslea ere, begi batean eman baitio. Nire laguna ia harrapatu du eta beste lagun bati besaurrean eman dio. Eta Fisika eta Kimikako nire irakasleari buruan ", adierazi du. Adingabe horrek esan duenez, erasotzailea "ez da mutil problematikoa, baina bakarrik dago beti, nire ustez burua joan zaio".
Adingabea berehala aurkitu eta Jerez de la Fronterako komisariara eraman dute. Ikerketa amaitu eta Adingabeen Fiskaltzaren esku utziko dute, Poliziak azaldu duenez. Ikasleak jolastokian bildu dituzte; izan ere, horietako askoren gurasoak haien bila joan dira etxera eramateko.
