Gizartea
Donostia
Donostiak Euskal Jaiekin egin dio agur udari
EITB Media
Abuztuaren 30ean hasiko dira eta irailaren 10era arte iraungo dute. Donostia Festakek 60 ekitaldi prestatu ditu mota guztietako publikoarentzat: sagardo eguna, erromeriak, bertsolaritza saioak, azokak, lehiaketak…
-
Donostiako 2023ko Euskal Jaien aurkezpena. Argazkia: Donostiako Udala
Udari amaiera emateko, Donostiako Udalak Euskal Jaiak aurkeztu ditu gaur. Asteazkenean hasi eta irailaren 10era arte iraungo dute, eta Donostia Festakek 60 ekitaldi antolatu ditu mota guztietako publikoarentzat.
Urtero bezala, Kontxako Banderarekin hasi eta amaituko dira, eta sagardo dastaketa, erromeriak, bertsolaritza saioak, azokak, lehiaketak eta abar izango dira 11 egun horietan zehar.
Aurtengo lehenengo ekitaldietako bat Sagardo Eguna izango da; irailaren 2an izango da, goizean, Konstituzio plazan.
Gaztelu Eguna
Larunbatean, irailaren 9an, 1813an hiria suntsitu ondoren Donostia berreraikitzeko ekimena oroitzeko ekitaldia egingo da. 11:30ean hasiko da, Trinitate plazan, eta hamaika jarduera izango dira egun osoan Alde Zaharrean.
