Gizartea
Rubiales kasua
Kirol Kontseilu Gorenak bere eginkizunetatik kenduko du Rubiales, TADek espedientea irekitzen badio
EITB MEDIA
Victor Francos Kirol Kontseilu Goreneko (CSD) presidenteak erakundeak jarraituko dituen urratsak azaldu ditu, Luis Rubialesek ostiral honetan RFEFren egoitzan egindako Ezohiko Batzarrean parte hartu ondoren.
Albisteak (15)
- Audientzia Nazionalak Luis Rubialesen aurkako salaketak ikertuko ditu
- Luis Rubialesek ez du dimisiorik aurkeztuko
- Javier Landeta: "Luis Rubialesen dimisioa erabaki egokia da"
- Euskal futbolak planto egin dio Rubialesi
- Alaves ez da joango Espainiako Futbol Federazioaren batzarrera
- Rubialesek dimisioa emango du, Jenni Hermosori baimenik gabe emandako musuak gaitzespen olatua ekarri eta gero
- FIFAk diziplinazko prozedura abiatu du Luis Rubialesen kontra
- Euskadiko Futbol Federakundea ez da Espainiako Federazioak antolatutako biharko batzarrera joango
- Jenni Hermosok “neurri eredugarriak” eskatu ditu, Rubialesen musuaren ondoren
- Beste arazo bat Rubialesentzat: epaile batek informazioa eskatu du New Yorkera egin zuen bidaia bati buruz
- Espainiako Futbol Federazioak premiazko batzarra deitu du, Rubialesen inguruan sortutako polemikaren ostean
- Rubialesen aurkako lehen salaketak jaso dituzte Federazioak eta Kirol Kontseilu Gorenak
Victor Francos Kirol Kontseilu Goreneko (CSD) presidenteak adierazi duenez, bere erakundeak ostiral honetan bertan salatuko du Luis Rubiales Espainiako Futbol Federazioko presidentea, Kirolaren Administrazio Auzitegiaren (TAD) aurrean, gertakari "oso larriak" direla eta, eta bere funtzioetatik kenduko du instantzia horrek espedientea irekitzen badio.
"TADek espedientea irekitzen badu, nik, CSDko presidente gisa, eskubidea dut CSDko zuzendaritza-batzordea deitzeko, Rubialesen etena eskatzeko", adierazi du CSDko arduradun nagusiak Gobernuaren Tarragonako egoitzan egindako agerraldian.
Luis Rubialesek ostiral honetan RFEFren egoitzan egindako Ezohiko Batzarrean egindako adierazpenen ondotik, CSDk emango dituen pausoen berri eman du. Izan ere, Federazioko presidenteak iragarri du ez duela kargua utziko Jennifer Hermosori Munduko Txapelketako finalean eman zion musuaren ostean.
Egoera horren aurrean, CSDk emango duen lehen pausoa TADi salaketa aurkeztea izango da. Gainera, auzitegi horri premiaz biltzeko eskatu dio, astelehenean bertan, osteguneko partez, "ezohiko" bilera batean.
TADek uste badu Rubialesen "hutsegite oso larriak" tramitazioa hastea merezi duela, CSDk bere zuzendaritza-batzordea bilduko du Rubialesen etenaldia hasteko. Horretarako deialdia, bilkura baino bi egun lehenago egin beharko du.
