Alaves ez da joango Espainiako Futbol Federazioaren batzarrera

Alavesek ostegun honetan iragarri du ez dela joango Espainiako Futbol Federazioak datorren ostiralerako deitu duen Ezohiko Batzarrera, emakumezkoen Munduko Txapelketako sari banaketan gertatutakoak direla eta.

Gasteizko taldearen erabakia Arabako Futbol Federazioak ostegun honetan iragarri duenaren berdina da, Kepa Arrieta presidentea ez baita batzar horretara joango.