Gizartea
Gipuzkoa
Gizon bat hil da Azkoitian traktore istripu batean
Agentziak | EITB Media
Istripua Urrategiko bide batean gertatu da.
75 urteko gizonezko bat hil da Azkoitian (Gipuzkoa), Urrategi auzoko landa bide batetik gidatzen ari zen traktorearekin istripua izanda, Segurtasun Sailak Europa Pressi jakitera eman dionez.
Larrialdi zerbitzuek dei bat jaso dute 14:40an, gizon batek traktorearekin izandako istripuaren berri emateko. Osasun langileek, bertaratu direnean, gizonaren heriotza baieztatu dute. Inguruko baserri batean bizi zen gizona.
