Gizartea

Trafikoa

Normaltasuna nagusi errepideetan, goiz zail baten ostean

EITB Media

Publikatuta: 2023/07/29 09:13 (UTC+2) Azken eguneratzea: 2023/07/29 14:29 (UTC+2)

Ohiko lekuetan izan dira auto-ilarak, Frantziatik penintsulako hegoalderantz doazen ibilgailu ugarien ondorioz.

0:36

• Whatsapp
• Whatsapp
• telegram
• twitt
• Bidali
• Esteka kopiatu

Frantziatik penintsularen hegoaldera doazen ibilgailu ugariek hainbat auto-ilara sortu dituzte larunbat honetako lehen ordutik.

Eusko Jaurlaritzako Segurtasun Sailak jakinarazi duenez, arazo horiek 07:00etan hasi dira eta zazpi kilometroko luzera izatera iritsi dira Irungo ordainlekuan.

10:30ean, AP-8ko ordainlekuan, Irunen (Gipuzkoa), Bilborako noranzkoan, auto-ilarak lau kilometrokoak ziren. AP-8ko Zarauzko ordainlekuan ere lau kilometroko auto-ilarak izan dira Bilborako noranzkoan.

Ibilgailu kopuru horrek berak bi kilometro inguruko auto-ilarak eragin ditu AP-1etik N-622 errepiderako sarbidean, Gasteiztik gertu, Burgoserako noranzkoan. Aurrerago, N-622 errepidetik A-1 autobiderako sarbidean ere ia hiru kilometroko auto-ilarak izan dira Gasteizen.

Gaur abiatu da, udako oporrak tarteko, irteera operazioaren bigarren fasea. Asteburuan trafiko dentsitate handiena izango da, oporretatik datozenei opor-lekura doazenak batuko baitzaizkie. 

¿ Saihestu trafiko ugariko egun eta orduak.

¿¿ Informazio gehiago:

¿¿ 011
¿ https://t.co/fAGI8ed2RK#Aholkua #Uda23 #Trafikoa pic.twitter.com/C80tzwB8d4

— Trafiko (@trafikoaEJGV) July 29, 2023