Gizartea
Indarkeria matxista
Emakume batek sexu-erasoa salatu du Plentziako jaietan
Agentziak | EITB Media
Eraso matxisten gaitzespen gisa, herriko ekitaldi guztiak bertan behera gelditu dira 14:30etik 15:30era eta dozenaka lagunek parte hartu dute 14:30erako Udalak deitutako elkarretaratzean.
0:43
Plentzian (Bizkaia) izandako sexu-eraso batengatik neska gazte batek jarritako salaketa ikertzen ari da Ertzaintza, Segurtasun Sailak jakitera eman duenez.
Bestalde, Udalak adierazi du gertakariak bart goizaldean izan direla, Madalena jaien testuinguruan, jai-giroan.
Eraso matxisten gaitzespen gisa, herriko ekitaldi guztiak bertan behera gelditu dira 14:30etik 15:30era eta dozenaka herritar bildu dira Astillero plazan Udalak deitutako elkarretaratzean.
