Gizartea
U23
Correoseko ehunka bulego irekita egongo dira igande honetan posta bidezko boza arintzeko
AGENTZIAK | EITB MEDIA
Posta bidez botoa emateko epea uztailaren 20an bukatuko da, baina litekeena da luzatzea. Joan den maiatzaren 30etik, Correosek ia 20.000 langile berri kontratatu ditu.
-
Correoseko bulego baten irudia. Argazkia: EFE
Correoseko ehunka bulego irekita egongo dira igande honetan Estatu osoan, datorren uztailaren 23an izango diren hauteskunde orokorretan posta bidezko boza errazteko. Botoa emateko epea uztailaren 20an bukatuko da, baina litekeena da epea luzatzea.
Aurreko larunbatean bezala, gaur ehunka bulego irekiko dituzte Estatu osoan, gutxienez, 09:00etatik 14:00ak arte.
Joan den maiatzaren 30etik, hauteskunde orokorreko deialdi-egunetik, 19.985 kontratu berri egin ditu Correosek, eta langileen oporren % 100 ordezkatu ditu. Estatuko 2.389ko bulegoen arreta ere indartuko dute, baita banaketa sarean eta centro logistikoetan.
Correosek azpimarratu duenez, "behar diren langile beste kontratatzen jarraituko dugu, uztailaren 23ko hauteskunde orokorreko posta bidezko boza bermatu ahal izateko".
