Gizartea
Gipuzkoa
Zarauzko hondartzan bainua debekatu dute osasun arrazoiengatik
EITB MEDIA
Eusko Jaurlaritzako Osasun Sailak jakinarazi duenez, Zarauzko hondartzako uretan burututako kontroletan, "arautegiak ezartzen diren kalitate irizpideak betetzen ez direla antzeman da".
-
Zarautzeko hondartza (Gipuzkoa). Artxiboko argazkia: Lorentxo Portularrume
Osasun arrazoiengatik, Zarauzko (Gipuzkoa) hondartzan bainua debekatuta dago, Udala ohar batean jakitera eman duenez.
Eusko Jaurlaritzako Osasun Sailak jakinarazi duenez, Zarauzko hondartzako uretan burututako kontroletan, "arautegiak ezartzen diren kalitate irizpideak betetzen ez direla antzeman da". Beraz, oraingoz, bainua debekatu dute.
Egoera honen aurrean, bandera gorria jarri dute sorosleek, eta ezingo da itsasoan bainatu Eusko Jaurlaritzak horretarako oniritzia eman arte.
Udalak herritarrei eskatu die "arduraz jokatzeko eta une oro hondartzako sorospen-zerbitzuaren jarraibideak betetzeko".
