Gizartea
Etxeko indarkeria
Iruñean bikotekide ohia hiltzeagatik atxilotutako emakumea gaur arratsaldean utziko dute epailearen esku
Agentziak | EITB Media
Hilketa joan den asteazkenean gertatu zen, 14:30 aldera, Iruñean, Bernardino Tirapu kaleko etxebizitza batean. Antza, emakumeak sastakatu ostean, gizona etxeko atariraino jaitsi zen, baina larrialdietarako zerbitzuak irisi zirenerako hilda zegoen.
-
Iruñeko udaltzainak joan den astean, hilketaren tokian. Irudia: EITB Media.
Asteazken honetan Iruñeko Arrotxapea auzoan bikotekide ohia sastatu eta hiltzeagatik atxilotutako emakumea gaur arratsaldean utziko dute epaliearen esku, Nafarroako Justizia Auzitegi Nagusiko iturriek jakitera eman dutenez.
Hilketa joan den asteazkenean gertatu zen, 14:30 aldera, Iruñean, Bernardino Tirapu kaleko etxebizitza batean. Antza, emakumeak sastakatu otean, gizona etxeko atariraino jaitsi zen.
Bizilagun batzuek Udaltzaingoari deitu zioten, eta larrialdietako osasun-zerbitzuek bertaratu zirenerako, 45 urteko gizona hilda zegoen. Gorpua Nafarroako Auzitegiko Medikuntza Institutura eraman zuten autopsia egiteko.
Iruñeko Udaltzaingoak atxilotu egin zuen labankadaren ustezko egilea, eta gaur eramango dute epailearen aurrera.
Antza, bikotekide ohiak ziren, eta alaba bat dute elkarrekin.
