Gizartea
EMAKUMEEN KONTRAKO INDARKERIA
Bi gizonezko atxilotu dituzte Urduñako festetan sexu-erasoa egitea leporatuta
EITB MEDIA
Otxomaio jaietan izan da erasoa. Gauerdian atxilotu dituzte bi gizonezkoak, zenbait neskak jarritako salaketaren ondoren. Festa gunean zeudela, ukituak egin dizkietela salatu dute.
-
Urduñako artxiboko irudia. Argazkia: EITB MEDIA
Bi gizonezko atxilotu dituzte Urduñako festetan sexu-erasoa egitea leporatuta. Otxomaio jai ezagunak ari dira ospatzen Bizkaiko herri horretan, eta erasoa festa guneetako batean izan da.
Eusko Jaurlaritzako Segurtasun Sailak jakitera eman duenez, zenbait emakumek jarritako salaketen ondotik, ustezko erasotzaileak identifikatu eta atxilotu egin dituzte bart. Ukituak egin dizkietela salatu dute emakumeok.
Festetan abian jarritako zaintza-dispositibo bereziko agenteek egin dituzte atxiloketak.
