Cameron Jordan New Orleans Saintseko izarra Gasteizen izan da herri kirolak probatzen

EITB MEDIA

Publikatuta: 2023/04/16 19:08 (UTC+2) Azken eguneratzea: 2023/04/16 20:37 (UTC+2)

Gasteizko Foruen Plazan aizkoran aritu da futbol amerikarreko izarra, harri bat jaso du eta bestelako ariketa batzuk ere probatu ditu Alex Txikon mendizale eta kirolaria ondoan zuela.

Argazkia: EFE
Argazkia: EITB Media
Argazkia: EFE
Argazkia: EFE
Argazkia: EFE
Argazkia: EFE
Argazkia: EFE

Whatsapp
Whatsapp
telegram
twitt
Bidali
Esteka kopiatu

Galeriak (1)

Cameron Jordan futbol amerikarreko izarrak herri kirolak probatu ditu

Cameron Jordan NFLko izarra Euskal Herrian da egun hauetan, senideekin. Gaur Gasteizko Foruen Plazan herri kirolak probatzen ari da Alex Txikon kirolaria lagun zuela.

Futbol amerikarreko jokalaria hainbat programa grabatzen ari da NFL Network telebista katerako. Hemendik denbora batera, NFL Game Pass eta NFLren Youtubeko kanalean ikusi ahal izango dira.

New Orleans Saints taldeko izarra aizkoran aritu da eta 88 kiloko harria altxatzen ere saiatu da. Koskol-apustuan ere aritu dira eta beste proba batzuk ere egin ditu.

Cameron Jordan eta Alex Txikon. Argazkia: EFE

Aizkoran ari zela, agian ez zela bere bizitzan "hartu duen erabakirik onena" esa du, barre artean.

500 kiloko harria arrastaka eramateko proban argi zuen etzuela parte hartu nahi.

Atzo, Athleticeko kamiseta jantzita, San Mamesen izan zen, derbian, eta bihar Donostian izango da "Game recognize game" saio grabatzen. Besteak beste, esku pelotan jokatzen saiatuko da Erik Jakaren laguntzarekin.