Gizartea
Indarkeria matxista
Gizon batek alabari eraso dio emazte ohiaren etxean, Eguesibarren, urruntze agindua hautsita
M. D. | EITB Media
Bikotekide ohiak etxetik ihes egin zuen, beste bi seme-alabekin. Gizona ospitalean dago, bigarren pisutik amildu ostean.
Gizon bat emazte ohiaren etxera joan da, urruntzeko agindua hautsita eta alabari labanaz eraso dio, Eguesibarren (Nafarroa). Ondoren, ustezko erasotzailea bigarren solairutik amildu da. Emazte ohiak etxetik ihes egin du beste bi seme-alaba adingabeekin.
Zauritutako alaba Nafarroako Unibertsitate Ospitalera eraman dute anbulantzian. Foruzaingoak eta Eguesibarreko Udaltzaingoak bertan artatu dituzte emakumea eta beste bi seme-alabak.
Gizona ere ospitalean dago, zaurituta.
Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak eta/edo deitu doako telefono hauetara: 900 840 111 (EAEkoa), 016 (Espainiako Estatukoa) edo 3919 (Iparraldekoa, eguneko 24 orduetan erabilgarri, igande eta jaiegunetan 09:00etatik 18:00etara izan ezik). Ez dute fakturan arrastorik uzten, baina bai telefonoan. Beraz, ez ahaztu ezabatzea.
