EAEko herritarren erdiak baztertuta sentitzen dira ingurune digitalean, Kontsumobideren arabera

Euskal Autonomia Erkidegoko biztanleen erdia erabat edo zertxobait baztertuta sentitzen da ingurune digitalean, Kontsumobidek arrakala digitalari buruz egindako azterketa baten arabera. % 35ek uste dute laguntza edo aholkularitza behar dutela gailu digitalak erabiltzeko. Administrazioarekin lotutako izapideei dagokienez, % 39k ustete du nahiko zaila edo oso zaila dela izapide digitalak egitea, eta % 25ek, berriz, oso edo nahiko erraza dela. % 46k diote izapideak online egiteko prest daude. 

EAEko herritarren % 35 online banka zerbitzuekiko online harremanetan baztertuta sentitzen dira, eta telekomunikazioen eta energiaren alorrean kopuru hori % 34koa eta % 38koa da, hurrenez hurren.

Bazterketa sentimendu hori zeharkakoa da, ez pertsona helduenena bakarrik. Inkestan parte hartu duten pertsonak sistema misto baten alde daude, hots, telefono edo aurrez aurreko arreta online zerbitzuarekin uztartu nahi dute.

Kontsumobidek ere joera hori antzeman du joera, izan ere, online izapidetutako erreklamazio eta kontsulten kopurua % 50etik gorakoa da gaur egun, 2019an % 9koa baino ez zenean. Era berean, Kontsumoko Euskal Institutuak aurrez aurreko eta telefono bidezko arretari eusten dio.

Interneten igarotako denborari dagokionez, herritarren % 86k diote egunero erabiltzen dutela. Halaber, % 60k diote eroso daudela ingurune digitalean, eta % 15k, ostera, nahiko edo erabat deseroso sentitzen direla.

Gaur ospatzen den Kontsumitzaileen Nazioarteko Egunaren harira, Kontsumobidek karpa informatiboak jarri ditu hiru hiriburuetan zalantzak argitzeko eta erakundeak eskaintzen dituen zerbitzuen berri emateko.