Gizartea
Haizetea
Gasteizek lorategiak itxi eta Loiuko aireportuak bi hegaldi desbideratu ditu, haize zakarraren ondorioz
EITB Media
Bestalde, Eusko Jaurlaritzako Larrialdiei Aurre Egiteko eta Meteorologia Zuzendaritzak abisu horia indarrean jarri du gaurko, nabigaziorako arriskuagatik.
-
Irudia: Radio Vitoria.
Haize-bolada bortitzak direla eta, Gasteizko Udalak lorategi publikoak itxi eta erortzeko arriskuan dauden zuhaitzak kontrolatzeko mekanismoak martxan jarri ditu. Horregatik, Udalak herritarrei "kontuz ibiltzeko" eskatu die.
¿¿ Haize-bolada bortitzak direla eta, Udalak lorategi publikoak itxi eta kontrol-ekintzak egingo ditu hiriko zuhaitzetan, erortzeko arriskua dagoenean. Kontuz ibili, mesedez. ¿@VG_Policia
— Vitoria-Gasteiz! (@vitoriagasteiz) March 13, 2023
Gainera, Loiuko aireportuak bi hegaldi desbideratu behar izan ditu haize-bolada bortitzengatik: bata Madrildik zetorren, eta Estatuko hiriburura itzuli behar izan du; bestea, Valentziatik aireratu da, eta gauza bera egin behar izan du.
Bestalde, Eusko Jaurlaritzako Larrialdiei Aurre Egiteko eta Meteorologia Zuzendaritzak abisu horia ezarri du gaur, nabigaziorako arriskuagatik, 3 metrotik gorako haize eta olatu handiak espero baitira, Segurtasun Sailak jakitera eman duenez.
Nabigaziorako arriskuagatiko abisu horia gauerditik 15:00etara egongo da indarrean. Aurreikuspenen arabera, olatu altuera adierazgarria 3,5 metrotik gorakoa izango da, eta mendebal/ipar-mendebaldeko haizeak 5-6ko indarrarekin joko du, nahiz eta arratsaldean baretu. Horrek itsaski handia eragingo du. Arratsaldean indarra galdu eta itsaskia eta itsaskirria izango dira.
¿ #AbisuHoria #haizea #olatua
— Euskalmet (@Euskalmet) March 13, 2023
¿ Astelehena, martxoak 13
¿ Haizeagatik haizeguneetan 06etatik 18etara.
¿ Asteartea, martxoak 14
¿ Nabigaziorako 00etatik 15etara. pic.twitter.com/FUuUfKnK6W
