"Etorkizuneko belaunaldiei jakintza transmititzen dieten irakasleen minarekin" bat egin du Macronek

Emmanuel Macron Frantziako presidenteak Donibane Lohizuneko (Lapurdi) lizeo bateko irakaslearen hilketa deitoratu du.

"Familiaren, lankideen, ikasleen eta etorkizuneko belaunaldiei jakintza transmititzen dieten irakasleen mina sentitzen dut", idatzi du Macronek Twitterren.

"Nazioa zuen alboan dago", gaineratu du presidenteak.

L'assassinat d’une enseignante à Saint-Jean-de-Luz nous remplit d’une intense émotion. Je partage la douleur de sa famille, de ses collègues, de ses élèves, de nos enseignants qui consacrent leur vie à transmettre le savoir aux générations futures. La Nation est à vos côtés.

— Emmanuel Macron (@EmmanuelMacron) February 22, 2023

Frantziako Gobernuak minutu bateko isilunea deitu du biharko, osteguna, 15:00etan, Donibane Lohizuneko (Lapurdi) lizeo pribatu batean hildako irakaslearen omenez. Pap Ndiaye Hezkuntza eta Stanislas Guerini Funtzio Publikoko ministroak ikastetxera bertaratu dira.

16 urteko ikasleak, ustezko hiltzaileak, ez dauka aurrekaririk. Hilketagatik inputatu dute, Jerome Bourrier Baionako fiskalak baieztatu duenez.