Gizartea
Arma zuriak
Hauek dira arma zuriak oker erabiltzeagatik EAEn zorroztu dituzten isunak
EITB Media
Honelakoak dira gaur bertan indarrean sartu diren igoerak.
-
Hauek dira debekatuta dauden arma zuriak. Infografia: EITB
Eusko Jaurlaritzak eta 50.000 biztanletik gorako udalek arma zuriak oker erabiltzeagatik aurreikusitako isunak zorroztea adostu dute gaur. Neurria EAE osoan sartu da indarrean gaur bertan. Hauek dira isunak:
- Araudiaren arabera debekatutako arma bat eramatea: zigorra 900 eurokoa izatetik 1.500 eurokoa izatera pasatuko da.
- Araututako arma eramatea, baina baimendu gabeko lekuan edo egoeran: isuna 602 eurokoa izatetik 1.000 eurokoa izatera pasatuko da.
- Establezimendu publikoa, aisialdiko lokala edo jende asko dagoen lekua bada, % 100 igoko da.
- Alkoholdun edarien edo drogen eraginpean badago, % 100 igoko da.
- Pertsonak indarkeriazko portaera agertzen badu, % 100 igoko da.
- Pertsonak arma eskuan hartzen badu edo armarekin mehatxatzen badu, % 100 igoko da.
- Pertsonak arma axolagabekeriaz erabiltzen badu, % 100 igoko da.
- Adingabekoek ezin dute arma zuririk eraman. Eramaten badute, arau-hauste larria izango da, eta gaur egun 100 eurotik 600 eurora arteko zigorra dena 300 eurotik 600 euro artekoa izatera pasatuko da.
