Gizartea
Matxura
Bilboko metroa martxan da berriro Basauri eta Zazpikaleak artean
A.A.E. | EITB Media
Bolueta eta Etxebarri geltokien arteko katenarian izandako arazoak 13:15 aldera konpondu dituzte. Metroak atzerapenarekin dabiltza, baina zerbitzua apurka-apurka bere onera etortzea espero dute.
-
Metro Bilbaoko geltoki bat. Irudia: EFE.
Hainbat orduz etenda egon ondoren, 13:15 pasatxo zirenean berrezarri dute Bilboko metroaren zerbitzua Basauri eta Zazpikaleak (Bilbo) geltokien artean. Unitateak atzerapenarekin dabiltza, baina zerbitzua apurka-apurka bere onera etortzea espero dute, Metro Bilbaok jakinarazi duenez.
¿ ¿ Arazoa konponduta. Apurka-apurka maiztasunak normaltasunera bueltatzen joango dira. Barkatu eragozpenak.
— metro bilbao (@metrobilbaoeus) February 3, 2023
¿ ¿ Avería solucionada. Las horas de paso en estaciones se irán normalizando paulatinamente. Disculpen las molestias.
09:15 aldera sortu dira arazo teknikoak, zehazki, Bolueta eta Etxebarri geltokien arteko katenarian.
Teknikariak arazoa sortu den lekura joan dira berehala, eta 13:15 aldera lortu dute konpontzea. Hasieran, matxurak norabide bakarrean sortu ditu eragozpenak, baina 11:00etan zerbitzua erabat etetea ebatzi dute.
