"Masifikatutako makrozentroek" euskal harrera ereduan ez dutela tokirik esan du Artolazabalek
Euskal Autonomia Erkidegora iristen diren pertsona migratzaileei "beren egoera erregulatzen lagundu eta "aholkularitza juridikoa eman, gizarte-laguntzak atzean utzita, lan-merkatuan sartzeko bidea erraztuz eta bizitza berri baterako atea zabalduz". Hori da Eusko Jaurlaritzaren Aholku Sarearen —Atzerritarren arloko Laguntza Juridikoaren Euskal Sarea— helburu nagusia, eta horretara bideratuta dauden beste lau bulego zabaldu ditu Urretxun, Tolosan, Markina-Xemeinen eta Zornotzan. Horiekin, 28 dira Gipuzkoan, Bizkaian eta Araban martxan dauden migratzaileentzako informazio guneak.
Bulego berrien aurkezpen ekitaldia Urretxuko Udalean egin dute, gaur goizean, besteak beste, Beatriz Artolazabal Berdintasun, Eusko Jaurlaritzako Berdintasun, Justizia eta Gizarte Politiketako sailburua, Xabier Legarreta Migrazio eta Asiloko zuzendaria eta zentroak hartuko dituzten herrietako alkateak bertan zirela. Bere hitzartzean, Artolazabalek Aholku Sarearen balioa nabarmendu du, "pertsona migratzaileei beren bizitza exodoaren bide gogorrean laguntzea" dutela xede esanez.
"Euskal harrera eredua" defendatu du Gizarte Politiketako sailburuak, "komunitatetik bertatik,banakako laguntza sustatzen" duen eredua, eta zentzu horretan, Espainiako Gobernuak errefuxiatuentzat Gasteizen ireki asmo duen zentroarekiko bere desadostasuna agertu du, "euskal ereduan errefuxiatuentzako makrozentro masifikatuek" lekurik ez dutelako. "Gure ereduak babes komunitarioa bezalako ekimenekin egiten du lan, gizarteratzea bultzatzen du".
Hala, "aldarrikapen historiko" bat egiteko aprobetxatu du bere agerraldia Artolazabalek, eta Espainiako Gobenuari Migrazio eta Asilo eskumenaren transferentzia gauzatzea eskatu dio, "euskal harreraren ereduari behin betiko forma eman ahal izateko". "Bistan da Euskadira iristen diren pertsona migratzaileei laguntzeko tresnak, zerbitzuak eta konpromisoa ditugula. Atzerritartasunaren arloko eskumenen transferentzia gauzatzea falta zaigu", esan du.
Biltzen Gizarteratzea eta Kulturarteko Euskal Zerbitzuak kudeatzen du Aholku Sarea, hainbat gizarte talderekin —Gurutze Gorria, Zehar-Errefuxiatuekin, Caritas, Cosmopolis, Adiskidetuak, Cite-CCOO, Bide Eginez eta Sos Arrazakeria— eta EAEko hiru abokatu elkargoekin elkarlanean. Iaz, 5.158 kontsulta jaso zituzten, eta ia 50 informazio saio eskaini. 1.455 pertsonak hartu zuten parte azken horietan.
Albiste gehiago gizartea
Lan Onari saria Carmelo Urza Larrauri Filologia Hispanikoko doktoreari emanda itxi du Lehendakaritzak 2025eko Jaialdira egindako bisita
Esparru akademikoan egindako lanagatik eta kanpoan euskal kultura zabaltzen egindako ekarpenagatik saritu dute Renoko Unibertsitateko Filologia Hispanikoko doktorea. Oso gazte zela Estatu Batuetara bizitzera joan bazen ere, euskal sustraiei eusteagatik eta Euskadiren eta Estatu Batuen arteko harremanak estutzeko lan egiteagatik nabarmendu da beti.
Normaltasuna nagusi zirkulazioan larunbat goizean, abuztuko irteera operazioan
Lehen orduan auto-ilarak izan dira AP-8 autobidean, Irun parean, eta AP-1ean, Gasteiz inguruan, abuztuko lehen asteburuko irteera eta itzulera operazioarekin batera.
Lau gizonek 18 urteko neska bat inguratu eta bortxatu dute Ferrolen
Gizon bat atxilotu dute jada. Erasoa Coruñako hiriaren Espainia plazako arkupe batzuetan gertatu zen. Gertakariak asteartetik asteazkenerako gauean jazo ziren, hiriaren erdialdean.
Bilbok hilerria modernizatu du errausketak eta maskotentzako zerbitzuak eskaintzeko
Araudi berria irailera arte egongo da ikusgai, eta heriotza perinatalari ematen zaion tratuari eta erlijio-aniztasunerako guneei buruzko hobekuntzak ere jasotzen ditu, besteak beste.
Adineko bost moja Urduñako komentutik ateratzea eragotzi dute, erlijiosoak Beloradotik bota ondoren
Adineko lekaimeen beharrengatik egokitutako garraio berezi bat prest zuten, baina ezin izan dute erabili, moja matxinoek uko egin baitiote giltzak emateari. Gainera, gaurko operazioa "bahiketatzat eta agintekeriatzat" jo dute moja horiek.
Gasteizko txosnak itzuli dira txandalariak omenduz, eta musikaz eta aldarrikapenez beteta
Txosnagunea Arabako Campusera itzuliko da kontzertuekin, herri-ekimenekin eta TicketBAIren ezarpenaren kontrako protestekin. Bien bitartean, Txosnetako txandalariak izan dira Txosnisariaren irabazleak.
50 boluntario inguruk Barrundian desagertutako 77 urteko emakumea bilatzeko lanekin bat egin dute
Senideek asteartean salatu zuten adineko emakumearen desagerpena. Emakumea Hermua auzoko bere etxebizitzatik atera zen, eta ez dute berriro ikusi.
Zeledonek baditu aterkia, zahatoa eta zapia: "Ez dugu inolako erasorik onartuko"
Maider Etxebarria alkateak "zorterik onena" opa dio Iñaki Kerejazuri. Kerejazuk bigarren urtez jarraian pertsonaia ezagunaren papera egingo du. Bere hitzaldian, alkateak jaiez "arduraz" eta "errespetuz" gozatzera gonbidatu ditu herritarrak.
Katherine Bidegaray, Montanako Auzitegi Goreneko epailea, euskal amerikar komunitatearen ordezkari boteretsuenetako bat da egun, AEBn
Behe Nafarroako familia batean sortua, haurtzaroa Ipar Dakotako mugako belardietan egin zuen, gurasoen arrantxoan. Bidegaray oso kritikoa da Trumpekin eta etorkinen deportazioekin. Emakumearen eskubideen alde egiteagatik ere ezaguna da.
Chikungunya: tigre-eltxoaren gaixotasuna saihesteko gakoak eta aholkuak
Pello Latasak, Eusko Jaurlaritzako Osasun saileko zaintza epidemiologikorako arduradunak, tigre-eltxoek kutsatzen duten chikungunya gaitzaren inguruan mintzatu da. Latasak azaldu duenez, gaitza ez da zuzenean gizakien artean transmititzen; hala ere, badira salbuespenak. Bideo honetan sintomak zeintzuk diren, transmisioa nola ematen den eta gaitzari aurre egiteko gomendioak eman dizkigu arduradunak.