Gizartea
Urte amaiera
Suhiltzaileek gogor lan egin behar izan dute Urtezahar gauean, Bizkaian bereziki
eitb media
Lurralde horretan guztira 19 sute izan direla jakinarazi du Ricardo Ituarte Larrialdietako eta Meteorologiako zuzendariak, eta haize gogorra eta "gaueko jarduerak" aipatu ditu arrazoi nagusi gisa.
Urtero legez, sute asko piztu dira bart Urtezahar gaueko ospakizunekin lotuta. Pirotekniaren erabileraz gain, aurtengoan haize gogorrak eta tenperatura altuak ere lagundu dute suteak pizten eta zabaltzen. Sute arriskuagatik ezarritako abisua goizaldeko hiruetan amaitu da.
Ricardo Ituarte Eusko Jaurlaritzaren Larrialdi eta Meteorologia zuzendariak Ser irrati katean azaldu duenez, Bizkaian izan da sute gehien, eta Gipuzkoan eta Araban gaua lasaia izan da suari dagokionez.
Bere esanetan, Bizkaiko 19 udalerritan izan dira baso, sasi, etxebizitza, kontainer eta ibilgailu suteak. "Ez dago zalantzarik gaueko jarduerari haizea gehitzeak emandako emaitza dela", aitortu du.
Ituartek azpimarratu du Aranguren mendian izan dela sute handiena, Etxebarrin; eta baserri bat hustu behar izan dutela badaezpada ere, goizaldean sua erabat itzaltzea lortu duten arren.
Gainera, sasi suteak izan dira Ondarroan, Getxon, Trapagaranen, Mungian, Sopuertan, Zierbenan, Portugaleten, Berangon, Barakaldon, Sestaon, Basaurin, Amorebieta-Etxanon, Balmasedan eta Sopelan. Azken horren kasuan, suak erabat kiskali du sasitza eremu bat, Atxabiribil hondartzara jaisteko bidearen ondoan.
Imágenes incendio #Sopela #Bomberos trabajando
— Bomberos Bizkaia (@BomberosBizkaia) January 1, 2023
Sopelako #Sutea _ren irudiak #Suhiltzaileak lanean https://t.co/x5ZtAzmL0s pic.twitter.com/xXp4Eyo7bD
Getxon, Arrigorriagan, Santurtzin, Galdakaon, Sestaon, Portugaleten eta Ortuellan kontainerrak erre dira.
Basaurin, era berean, auto batek su hartu du eta gar handiak altxatu dira. Getxon, berriz, Zabalan, etxebizitza bateko teilatuan izandako sutea itzali behar izan dute.
Complicado inicio de año, con un importante incendio forestal en #Etxebarri @BomberosBizkaia trabajando @112_SOSDeiak @VOSTeuskadi @eitbNoticias pic.twitter.com/c5HYlSetjm
— Iker Salgado (@ikersalgadoser1) January 1, 2023
Bestalde, Nafarroako suhiltzaileek nekazal produktuak jasotzen dituen eraikin batean piztutako sutea itzali dute bart Aberinen. Lizarrako eta Lodosako suhiltzaileak bertaratu dira.
Imtervenimos la tarde del sábado al domingo para extinguir un incendio en una nave de productos agrícolas en #Aberin#ParqueEstella#ParqueLodosa#J22 pic.twitter.com/4nZll9HaA6
— Bomberos y Bomberas – Suhiltzaileak (@bomberos_na) January 1, 2023
