Gizartea
''BAI BAKARRIK DA BAI'' LEGEA
Angel Bozak, Manada auziko bost zigortuetako batek, zigorra 15 urtetik 13 urtera jaistea eskatu du
AGENTZIAK | EITB Media
2016ko sanferminetako talde bortxaketagatik bost zigortuetako bat izan zen. "Bai bakarrik da bai" lege berria indarrean sartu ostean, kartzela zigorra jaistea eskatu du.
-
Angel Boza 2016ko sanferminetako talde bortxaketagatik zigortuetako bat. Artxiboko argazkia: EFE
2016an sanferminetako La Manadako talde bortxaketagatik zigortutako bost lagunetako batek kartzela zigorra 15 urtetik 13 urte eta 9 hilabetera jaistea eskatu du, "Bai, bakarrik da bai" legea indarrean sartu ostean.
Joan den astean bere abokatuak iragarri zuen bezala, Angel Bozak Nafarroako Auzitegiko Bigarren Sekzioan erregistratu du zigorra murrizteko eskaera.
Auzitegi Gorenak 15 urteko espetxe zigorrera kondenatu zuen Boza, bortxaketa jarraitua eta tratu iraingarria eta bi pertsona edo gehiagok batera jardutea egotzita.
Sexu erasoagatik bost gizon zigortu zituzten arren, Sevillako beste lau gazteek (Jose Angel Prenda, Jesus Escudero, Alfonso Jesus Cabezuelo eta Antonio Manuel Guerrero) beste zigor batzuk dituzte Pozoblancoren sexu abusuengatik, eta ezingo lukete inolako beherapenik jaso.
