Azaroaren 11tik 13rako asteburuan egiteko hainbat plan

Asteburua hurbiltzen ari da, eta zer egin pentsatzen ari bazara, hona hemen zenbait aukera:

Gipuzkoan:

- Kursaal zentroari dagokionez, asteburu osoan zehar ikuskizunak egongo dira:

     - Ostirala: EITBk Euskadiko Orkestrarekin batera egin duen "Batzen Gaituen Musika" ikuskizuna ikusgai egongo da 19:30etik. Sarrerak zentroko webgunean salgai daude.

     - Larunbata: Carlos Latrek "One Man Show" ikuskizuna eskainiko du 21:00etatik aurrera. Gainera, 18:00etan, "Parade, El circo de los valientes" ikuskizuna izango da ikusgai.

     - Igandea: Zentroan "La Boheme" ikuskizunaz gozatu ahalko da 19:00etan, eta, 20:00etatik aurrera, Piotr Beczala tenorraren emanaldia izango da.

- Igandean Behobia-Donostia lasterketa egingo da, eta helmugan, Boulevardean, sekulako giroa egon ohi da korrikalarien zain. Larunbat arratsaldean, etxeko txikiek korrika egiteko aukera izango dute Behobia Txiki delakoan, Donostiako Anoeta ondoko estadioan.

- San Martin jaiak:

     - Bergara: Bergarako Orkestra Sinfonikoaren kontzertua

     - Zumarraga eta Urretxu: haur jolasak, bazkari eta afari herrikoiak eta erromeria Agiña auzoan. Buzkantza dastaketa eta herri kirolak.

Bizkaian:

- BECean "Retro Clásica Bilbao" erakusketa izango da 16:00etatik 20:00etara. Larunbatean eta igandean, ordutegia 10:00etatik 20:20ra izango da.

- Guggenheimeko 25. urteurrena ospatzeko doako bisita gidatuak eskainiko dira. 30 minutuko iraupena dute eta "Secciones/Intersecciones" erakusketako edukiak ikusteko aukera egokia da.

- Durangok bertsolari txapelketako finalaurrekoaren lehen itzulia egongo da 17:00etatik aurrera. Bertan, Aitor Bizkarra, Aitor Mendiluze, Beñat Gaztelumendia, Eñaut Martikorena, Julio Soto eta Saioa Alkaiza ibiliko dira bertsotan.

- Arriaga antzokian, "Una noche sin luna" ikuskizuna eskainiko dute 19:00etan, baina dagoeneko, sarrerak agortuta daude.

- Bilboko hainbat zinetan, ZINEBI festibaleko film laburrak ikusteko aukera egongo da. Gehiago jakiteko, webgunera jo.

- Larunbatean Jokoteknia bideojoko jardunaldia egingo da Bilboko Harrobia ikastolan. Egitaraua webgunean dago ikusgai. Streaming bidez ere jarraitzeko aukera egongo da.

- San Martin jaiak:

     - Forua: Bertso afaria eta azoka.

     - Algorta: Haur jolasak, kontzertuak, esku-pilota eta azoka.

     - Zamudio: Kontzertuak, kirol jarduerak eta haurrentzako ikuskizunak.

Araban:

- Larunbatean, Principal Antzokiak "The Tree" ikuskizuna izango du ikusgai 19:30etik aurrera.

- Gasteizko Jimmy Jazz aretoan, ostiralean, Los Zigarros taldea egongo da 22:00etatik aurrera. Larunbatean, TTEK! Elektrotxarangak 10. urteurrena ospatuko du 22:00etan hasita.

Nafarroan:

- Gaztanbide antzokian, Joaquin Reyesen "Festejen la broma" bakarrizketa ikusteko aukera egongo da 20:30etik aurrera.

- Etxeko txikienentzat Go!azen 9.0 telesailaren aurrestreinaldia egingo da Baluarte jauregian 12:30ean.

Zine estreinaldiak:

- Ostiralean, hilaren 11n, Espainian, hainbat film estreinatuko dira. Ikusi nahi izatekotan, kontsultatu zine aretoko ordutegiak:

     - Black Panther: Wakanda Forever (abentura, zientzia fikziozkoa)

     - As Bestas (thriller)

     - Capitana Nova (abentura, zientzia fikziozkoa)

     - Memorias de París (drama)

     - Tori y Lokita (drama)

     - Ícaro y el minotauro (animazioa, abentura, familiarra)

     - Emilia (dokumental biografikoa)