Gizartea
Baso suteak
Gorbean piztu den sutea itzaltzeko lanean dihardute suhiltzaileek, baina kontrolpean dute dagoeneko
EITB Media
Hamabi eta erdiak aldera piztu da sua Gorbea mendigunean, Zarate inguruan, Zuian. Ordubiak hogei gutxitan kontrolpean zuten. Hektarea bat erre da.
Gorbea mendigunean piztu den baso-sutea itzaltzeko lanean ari dira suhiltzaileak. Zarate inguruan piztu da sua, Zuia herrigunean, eguerdiko hamabi eta erdiak inguruan, Segurtasun Sailak berri eman duenez.
Suhiltzaileek kontrolatutzat jo dute sua arratsaldeko ordubiak hogei gutxiagotan baina bertan jarraitzen dute, sua ez baitago itzalita. Hektarea bat lursail erre dira.
Bestetik, Bizkaiko Suhiltzaileek jakinarazi dutenez, Zalla inguruan nahiz Berangon jada itzalita zeuden suteetan su txikiak pizten ari dira, nahiz eta bizkor batean kontrolatzen dituzten suhiltzaileek.
