Gizartea
Gau Beltza
Zabaldu ateak eta sartu gurekin Tolosako Elosegi parkeko beldurrezko ibilbidean
EITB MEDIA
Aktibatu soinua eta sakatu bideoaren 'Play' botoia eitb.eus-ekin batera Tolosako Elosegi parkeko beldurrezko ibilbidean barrena egiteko. Beldurgarria!
Gau Beltza edo Arimen Gaua ate joka dugu, eta Tolosako Elosegi parkean, beldurra eta misterioa bizitzeko ekimena izango dute egunotan, euskararekin eta zehazki euskal landa eremuarekin lotura duen tradizio horren magia berreskuratzeko.
Hain zuzen ere, Galtzaundi euskara taldeak beldurrezko ibilbidea prestatu du urriaren 29tik 31ra, scape room formatuan. Hau da, bisitariek irteera aurkitu beharko dute, hainbat misterio argituz, bide sorginduan barrena.
Bisita txanda guztiak beteta daude dagoeneko; beraz, izena emateko epea itxita dago, baina eitb.eus-ek beldurrezko ibilbide hori etxetik ezagutzeko aukera ematen dizu. Zabaldu ateak, eta sartu gurekin!
