Gizartea
Sutea Balmasedan
Burgoseko Bortedo herriko ehun biztanleak ebakuatu dituzte Balmasedako sutearen ondorioz
Agentziak | EITB Media
Inguru horretan teknikari bat, ingurumen-agente bi, lurreko hiru kuadrilla, hiru autobonba, hiru bulldozer eta baso-suteen aurkako talde integral bat ari dira lanean.
Bideoak (1)
Burgosko Bortedo herria hustu dute eta bertan erroldatutako ehun bat biztanleak bertatik atera dituzte igande honetan, gaur goizean Balmasedan (Bizkaia) hasi den baso-sutearen ondorioz. Sutea Burgoseko Mena Haranean barneratu da gaur arratsaldean.
Burgosko Ingurumen Sailak sare sozialetako ingurumen atariaren bidez jakinarazi duenez, Gobernuak 0tik 3ra bitarteko eskala progresiboan 2ko maila ezarri baso-sute horrengatik Mena Haranean.
Une honetan, inguru horretan teknikari bat, ingurumen-agente bi, lurreko hiru kuadrilla, hiru autobonba, hiru bulldozer eta baso-suteen aurkako talde integral bat ari dira lanean.
Aireko baliabideek ezin izan dute esku hartu haize-bolada bortitzen ondorioz, Juntak jakitera eman duenez.
