Gizartea
BIZKAIA
Gorpu bat aurkitu dute Gaztelugatxe inguruan, Bermeon
EITB MEDIA
Hilotza Bermeoko portura eraman dute, eta Guardia Zibilak ikertuko du gertaturikoa.
-
Itsas Salbamenduko ontzia Bermeoko portuan. Argazkia: EITB Media
Gizon baten gorpua agertu da astelehen honetan Gaztelugatxe inguruan, eta Bermeoko portura eraman dute, EITB Mediak jakin ahal izan duenez.
Aisialdirako ontzi bateko tripulatzaileek aurkitu dute gorpua, Gaztelugatxetik gertu.
Bizkaiko Guardia Zibilaren Polizia Judizialaren unitateko talde bat Bermeoko Portura gerturatu da kasua ikertzeko eta lehen ikerketak egiteko. Orain, polizia unitate horrek hartuko du bere gain ikerketaren ardura, zer gertatu den argitzeko.
Hilotza ez dute oraindik identifikatu, eta Guardia Zibileko kideak auzitegiko medikuaren txostenaren zain daude, heriotzaren arrazoiak zehazteko. Oraindik ez dakite zergatik hil den.
