Gizartea
KORONABIRUSA
Positibo kopuruak gora egin du Euskadin, baina gainerako adierazle guztiek, behera
EITB MEDIA
Guztira 838 positibo erregistratu dira, aurreko astean baino 127 gehiago. 5 pertsona daude zaintza intentsiboko unitatean, lau gutxiago, eta 8 pertsona hil dira (aurreko astean, 15 izan ziren).
-
Jendea Bilboko kaleetan zehar. Artxiboko irudia: EITB Media
Adierazle guztietan hobera egiten jarraitzen du Euskadin koronabirusaren intzidentziak, azken astean positiboen kopuruak gora egin duen arren, gaur argitaratutako azken buletin epidemiologikoak jasotzen duenez.
Osasun Sailak jakinarazi du 8 pertsona hil direla covid-19aren ondorioz, aurreko astean baino 7 gutxiago. Ospitaleetan, berriz, 97 pertsona daude ingresaturik (joan den astean, 103 ziren), eta 5 gaixo daude zainketa intentsiboetako unitatean, aurreko astelehenean baino lau gutxiago.
Guztira 838 positibo erregistratu dira, duela astebete baino 127 gehiago. Horietatik 507 60 urte edo gehiagoko biztanleriari dagozkio, duela astebete baino 53 gehiago, nahiz eta kolektibo horretako 14 eguneko intzidentzia metatuaren tasa 100.000 biztanleko zertxobait jaitsi, eta 146,72koa izan den (-0,87 puntu).
Biztanleria orokorrean, 70,63koa da 14 eguneko intzidentzia metatuaren tasa 100.000 biztanleko, duela aste bateko 69,3ko tasaren gainetik.
